Madridning "Real" klubi "Liverpul"dan Ibraima Konate transferi barbod bo‘lgan taqdirda, muqobil transfer maqsadini aniqladi.

Ma’lumki, "qaymoqranglilar" fransiyalik futbolchini kelasi yozda, "qizillar" bilan shartnomasi yakunlangach, erkin agent sifatida o‘z safiga qo‘shib olmoqchi. Himoyachi shartnomani uzaytirishi va "qirollik klubi"ning rejalarini barbod qilishi ehtimoli yo‘q emas, shuning uchun Madridda boshqa variantlar o‘rganilmoqda. TEAMtalk xabariga ko‘ra, muqobil variant sifatida "Tottenxem" vakili Mikki van de Ven ko‘rsatilgan.

Niderlandiyalik futbolchining Transfermarkt talqiniga ko‘ra, narxi 50 mln yevroni tashkil etadi. 24 yoshli markaziy himoyachining "shporlar" bilan mehnat shartnomasi 2029 yilning yarmigacha amal qiladi.