Ispaniyaning "Xetafe" klubi Kamerun terma jamoasining sobiq himoyachisi Allan Nyom bilan shartnoma imzoladi. Bu haqda AS portali xabar bermoqda.
Futbolchi klub bilan mavsum oxirigacha shartnoma imzoladi. Nyom 2019 yildan 2022 yilgacha, shuningdek, 2024-25 yilgi mavsumda ham xuddi shu klubda o‘ynagan. 37 yoshli futbolchi erkin agentga aylangach, "Xetafe" bilan mashg‘ulotlarni davom ettirgandi.
Kamerunlik futbolchi faoliyatining asosiy qismini Ispaniyaning "Granada" klubida o‘tkazgan. U Angliyaning "Uotford" va "Vest Bromvich" klublari futbolchisi sifatida ham tanilgan. O‘z mamlakati terma jamoasi safida himoyachi 18 ta o‘yinda maydonga tushgan, ammo biror marta ham samarali harakat qilmagan.
