"Arsenal" hujumchisi Gabriel Jezus klubni tark etish haqida o‘ylamoqda.
28 yoshli futbolchi xochsimon payining uzilishi tufayli mavsumning birinchi qismini o‘tkazib yubormoqda. Taxminlarga ko‘ra, "kanonirlar" ko‘pincha jarohatlar tufayli aziyat chekadigan braziliyalik futbolchiga ortiq ishonmayapti. Jurnalist Ekrem Konur xabariga ko‘ra, hujumchi yanvar oyida qishki transferlar oynasi ochilganda ketishga tayyor. Futbolchiga Braziliyada ham, Yevropada ham talab bor.
Manbaga ko‘ra, Jezus faoliyatini o‘zi asosiy futbolchi bo‘ladigan jamoada qayta boshlamoqchi. Transfermarkt ekspertlari "Palmeyras" tarbiyalanuvchisining narxini 32 mln yevroga baholamoqda.
