"Арсенал" ҳужумчиси Габриэль Жезус клубни тарк этиш ҳақида ўйламоқда.
28 ёшли футболчи хочсимон пайининг узилиши туфайли мавсумнинг биринчи қисмини ўтказиб юбормоқда. Тахминларга кўра, "канонирлар" кўпинча жароҳатлар туфайли азият чекадиган бразилиялик футболчига ортиқ ишонмаяпти. Журналист Экрем Конур хабарига кўра, ҳужумчи январь ойида қишки трансферлар ойнаси очилганда кетишга тайёр. Футболчига Бразилияда ҳам, Европада ҳам талаб бор.
Манбага кўра, Жезус фаолиятини ўзи асосий футболчи бўладиган жамоада қайта бошламоқчи. Transfermarkt экспертлари "Палмейрас" тарбияланувчисининг нархини 32 млн еврога баҳоламоқда.
