Londonning "Arsenal" klubining yozgi yangi xaridi APLning 5-turidan o‘rin olgan "Manchester Siti"ga (1:1) qarshi o‘yinda tizzasidan jarohat oldi.
Jurnalist Saymon Kollinzning ma’lum qilishicha, hozirda "kanonirlar" safidagi so‘nggi o‘yinda o‘ng tizzasidan jarohat olgan Noni Madueke tibbiy ko‘rikdan o‘tmoqda. Maduekening jarohati darajasi hozircha aniq emas, ammo klubdagilar 23 yoshli angliyalik vingerning boshiga jiddiy muammolar tushishidan xavotirda.
Maduekening jarohati haqidagi yangi ma’lumot 23 sentyabr, seshanba kuni taqdim etilishi kutilmoqda.
Joriy yilning yozida "Arsenal" "Chelsi"dan Noni Maduekeni qariyb 50 million funtga sotib olgan edi. Joriy mavsumda u "kanonirlar" safida barcha musobaqalarda oltita o‘yinda ishtirok etishga ulgurdi.













