"Real" prezidentining fikricha, Ispaniyaning yarmi uning klubini yomon ko‘radi.

The Athletic "Real"ga yaqin manbalar bilan suhbatlashib, klub nima uchun o‘tgan yili ham, bu yil ham "Oltin to‘p" marosimini boykot qilganiga oydinlik kiritdi.

Qayd etilishicha, "Madrid" prezidenti Florentino Peres "qamal qilingan qal’a" psixologik holatida yashamoqda. Peresning fikricha, Ispaniya "Real"ni sevuvchilar va uni yomon ko‘ruvchilarga bo‘linadi. "Florentino chin dildan Ispaniyaning yarmi "Real"ga muxlislik qiladi, qolgan yarmi esa madridliklarga qarshi, deb hisoblaydi," - deya qayd etgan manba.

Peresning ishonchi komilki, Vinisiusning 2024 yilda "Oltin to‘p"ni qo‘lga kiritmasligiga UYEFA ta’sir ko‘rsatgan. Bu "Madrid" hamon Yevropa Superligasi loyihasini qo‘llab-quvvatlayotgani oqibati emish.

"Real"ning ko‘plab xodimlari, ayniqsa, uzoq vaqtdan beri klubda ishlayotganlar dunyoning katta qismi ularga qarshi deb hisoblaydi. Bu "Real" klubi TV kontentida o‘z aksini topgan. Kanalning barcha xodimlari antimadridist deb hisoblangan har qanday odamga nisbatan qanday muharrirlik pozisiyasini egallashlari shartligini bilishadi. Peres klub televideniyesi kontenti bilan bevosita shug‘ullanmaydi, ammo kanal Peres uchun "siyosiy xabarni efirga uzatish uchun" muhimdir.