"Реал" президентининг фикрича, Испаниянинг ярми унинг клубини ёмон кўради.
The Athletic "Реал"га яқин манбалар билан суҳбатлашиб, клуб нима учун ўтган йили ҳам, бу йил ҳам "Олтин тўп" маросимини бойкот қилганига ойдинлик киритди.
Қайд этилишича, "Мадрид" президенти Флорентино Перес "қамал қилинган қалъа" психологик ҳолатида яшамоқда. Переснинг фикрича, Испания "Реал"ни севувчилар ва уни ёмон кўрувчиларга бўлинади. "Флорентино чин дилдан Испаниянинг ярми "Реал"га мухлислик қилади, қолган ярми эса мадридликларга қарши, деб ҳисоблайди," - дея қайд этган манба.
Переснинг ишончи комилки, Винисиуснинг 2024 йилда "Олтин тўп"ни қўлга киритмаслигига УЕФА таъсир кўрсатган. Бу "Мадрид" ҳамон Европа Суперлигаси лойиҳасини қўллаб-қувватлаётгани оқибати эмиш.
"Реал"нинг кўплаб ходимлари, айниқса, узоқ вақтдан бери клубда ишлаётганлар дунёнинг катта қисми уларга қарши деб ҳисоблайди. Бу "Реал" клуби ТВ контентида ўз аксини топган. Каналнинг барча ходимлари антимадридист деб ҳисобланган ҳар қандай одамга нисбатан қандай муҳаррирлик позициясини эгаллашлари шартлигини билишади. Перес клуб телевидениеси контенти билан бевосита шуғулланмайди, аммо канал Перес учун "сиёсий хабарни эфирга узатиш учун" муҳимдир.
