"Real" bosh murabbiyi Xabi Alonso dushanba kungi matbuot anjumanida hujumchilar haqidagi savolga javob berdi. Alonsodan hujumchilar uchligining qaysi varianti unga ko‘proq yoqqanini so‘rashdi.

"Bu savolga javob berish juda qiyin. O‘ylaymanki, sizga javob bersam, menda muammolar paydo bo‘ladi," - dedi Alonso tabassum bilan.

"Bizga, albatta, barcha futbolchilar kerak va ular menda borligidan xursandman. O‘ylaymanki, biz hujumda ham, yarim himoyada ham yanada yaxshiroq o‘ynay olamiz. Biz rivojlanishimiz, nimagadir intilishimiz kerak. Kimdir ko‘proq gol urishi mumkin, kimdir hali gol urmagan. Ammo hamma ishtiyoqqa to‘la," - dedi Alonso jurnalistlarga.

Seshanba kuni "Real" Ispaniya chempionati doirasida "Levante"ga qarshi o‘yin o‘tkazadi.