"Реал" бош мураббийи Хаби Алонсо душанба кунги матбуот анжуманида ҳужумчилар ҳақидаги саволга жавоб берди. Алонсодан ҳужумчилар учлигининг қайси варианти унга кўпроқ ёққанини сўрашди.
"Бу саволга жавоб бериш жуда қийин. Ўйлайманки, сизга жавоб берсам, менда муаммолар пайдо бўлади," - деди Алонсо табассум билан.
"Бизга, албатта, барча футболчилар керак ва улар менда борлигидан хурсандман. Ўйлайманки, биз ҳужумда ҳам, ярим ҳимояда ҳам янада яхшироқ ўйнай оламиз. Биз ривожланишимиз, нимагадир интилишимиз керак. Кимдир кўпроқ гол уриши мумкин, кимдир ҳали гол урмаган. Аммо ҳамма иштиёққа тўла," - деди Алонсо журналистларга.
Сешанба куни "Реал" Испания чемпионати доирасида "Леванте"га қарши ўйин ўтказади.
