Jizzax shahridagi “Navro‘zbuloq” poygagohida motokross bo‘yicha viloyat ochiq turniri bo‘lib o‘tdi.

O‘zbekiston Respublikasi mudofaasiga ko‘maklashuvchi “Vatanparvar” tashkilotining viloyat kengashi tashabbusi bilan tashkil etilgan musobaqada respublikamizning turli viloyatlaridan tashrif buyurgan 50 ga yaqin motosportchi g‘oliblik uchun kurash olib bordi. 

Musobaqa shartlariga ko‘ra, poyga ishtirokchilari dvigatel hajmi 65, 85, 125, 350, 500 sm3 bo‘lgan sport motosikllarida bahslarga kirishdilar.

Yakuniy natijalarga ko‘ra, jizzaxlik Marsel Galiyev, Abubakr Akbarov, Zafar Akbarov, Ilyos Nazarov, Tolibjon Qudratov hamda Aziz Turopovlar g‘olib va sovrindorlar safidan joy olishdi.

G‘olib sportchilar tashkilotchilar tomonidan diplom hamda esdalik sovg‘alar bilan taqdirlanishdi.