"Chelsi" bosh murabbiyi Enso Mareska London klubi forvardi Koul Palmerning holati haqida ma’lumot berdi.

"U shanba kuni o‘ynashga harakat qilish uchun juda ko‘p kuch sarfladi. U tekshiruvlardan o‘tdi, hammasi joyida, lekin yuz foiz emas. Afsuski, u og‘riqni his qildi, shuning uchun biz uni almashtirishga qaror qildik," - deya Mareskaning so‘zlarini keltiradi BBC.

Mutaxassisning so‘zlariga ko‘ra, "ko‘klar" hujumchisi operasiyaga muhtoj bo‘lishi mumkin.

Joriy mavsumda 23 yoshli ingliz "Chelsi" tarkibida barcha musobaqalarda 4 ta o‘yinda maydonga tushib, 2 ta gol urishga erishdi.