"Челси" бош мураббийи Энцо Мареска Лондон клуби форварди Коул Палмернинг ҳолати ҳақида маълумот берди.

"У шанба куни ўйнашга ҳаракат қилиш учун жуда кўп куч сарфлади. У текширувлардан ўтди, ҳаммаси жойида, лекин юз фоиз эмас. Афсуски, у оғриқни ҳис қилди, шунинг учун биз уни алмаштиришга қарор қилдик," - дея Маресканинг сўзларини келтиради BBC.

Мутахассиснинг сўзларига кўра, "кўклар" ҳужумчиси операцияга муҳтож бўлиши мумкин.

Жорий мавсумда 23 ёшли инглиз "Челси" таркибида барча мусобақаларда 4 та ўйинда майдонга тушиб, 2 та гол уришга эришди.