"Manchester Siti" darvozaboni Janluiji Donnarumma France Football’ning 2024/25 yilgi mavsumning eng yaxshi darvozaboni nominasiyasidagi g‘alabasi haqida fikr bildirdi.
"Faoliyatimda ikkinchi marta "Yashin kubogi"ni qo‘lga kiritish men uchun katta sharaf. Futbol - jamoaviy o‘yin, ammo bu barcha darvozabonlar olishni istaydigan shaxsiy mukofot, shuning uchun hakamlar hay’ati aynan meni tanlaganidan juda xursandman. Dunyoda ko‘plab ajoyib darvozabonlar bor, shuning uchun men uchun bu o‘zgacha," - dedi Donnarumma taqdirlash marosimida sovrinni qo‘lga kiritgach.
Darvozabon o‘z o‘yinidan va o‘tgan mavsumda qo‘lga kiritilgan sovrinlardan mamnun ekanini ta’kidladi. Shu bilan birga, u hozirda bor e’tiborini "Manchester Siti"ga qaratganini ta’kidladi.
