"Манчестер Сити" дарвозабони Жанлуижи Доннарумма France Football’нинг 2024/25 йилги мавсумнинг энг яхши дарвозабони номинациясидаги ғалабаси ҳақида фикр билдирди.
"Фаолиятимда иккинчи марта "Яшин кубоги"ни қўлга киритиш мен учун катта шараф. Футбол - жамоавий ўйин, аммо бу барча дарвозабонлар олишни истайдиган шахсий мукофот, шунинг учун ҳакамлар ҳайъати айнан мени танлаганидан жуда хурсандман. Дунёда кўплаб ажойиб дарвозабонлар бор, шунинг учун мен учун бу ўзгача," - деди Доннарумма тақдирлаш маросимида совринни қўлга киритгач.
Дарвозабон ўз ўйинидан ва ўтган мавсумда қўлга киритилган совринлардан мамнун эканини таъкидлади. Шу билан бирга, у ҳозирда бор эътиборини "Манчестер Сити"га қаратганини таъкидлади.
