"Chelsi" bosh murabbiyi Enso Mareska APLdagi chempionlik poygasidan xavotir bildirdi. Arne Slot boshchiligidagi "Liverpul" 5 o‘yinning barchasida g‘alaba qozonib, eng yaqin ta’qibchisidan 5 ochkolik farq yaratdi.
O‘z navbatida, "Chelsi" "Brentford" bilan durang (2:2) va "Manchester Yunayted"dan mag‘lubiyatdan so‘ng (1:2) peshqadamdan 7 ochko ortda qolmoqda.
"Agar ular shu ruhda davom etishsa, o‘ylaymanki, ularga nafaqat biz, balki barcha klublar yeta olmaydi. Ular o‘tgan yildan beri ajoyib ish qilishmoqda. Ular sotib olishga qaror qilgan futbolchilar jamoaning yana APL va Chempionlar Ligasida g‘olib chiqish uchun kurashish niyatini ko‘rsatmoqda, bu mutlaqo aniq", - deya Mareskaning so‘zlarini keltiradi The Guardian.
23 sentyabr oqshomida "Chelsi" Angliya Liga kubogi doirasida "Linkoln Siti" klubiga qarshi maydonga tushadi. Start hushtagi Toshkent vaqti bilan soat 22:45 da yangraydi.
