"Челси" бош мураббийи Энцо Мареска АПЛдаги чемпионлик пойгасидан хавотир билдирди. Арне Слот бошчилигидаги "Ливерпуль" 5 ўйиннинг барчасида ғалаба қозониб, энг яқин таъқибчисидан 5 очколик фарқ яратди.

Ўз навбатида, "Челси" "Брентфорд" билан дуранг (2:2) ва "Манчестер Юнайтед"дан мағлубиятдан сўнг (1:2) пешқадамдан 7 очко ортда қолмоқда.

"Агар улар шу руҳда давом этишса, ўйлайманки, уларга нафақат биз, балки барча клублар ета олмайди. Улар ўтган йилдан бери ажойиб иш қилишмоқда. Улар сотиб олишга қарор қилган футболчилар жамоанинг яна АПЛ ва Чемпионлар Лигасида ғолиб чиқиш учун курашиш ниятини кўрсатмоқда, бу мутлақо аниқ", - дея Маресканинг сўзларини келтиради The Guardian.

23 сентябрь оқшомида "Челси" Англия Лига кубоги доирасида "Линкольн Сити" клубига қарши майдонга тушади. Старт ҳуштаги Тошкент вақти билан соат 22:45 да янграйди.