Madridning "Real" klubi bosh murabbiyi Xabi Alonso Vinisius Juniorning imkoniyatlariga shubha qilmayapti.

So‘nggi oylarda klub vingerning o‘yinidan norozi ekani haqida gap-so‘zlar ko‘payib bormoqda, buning fonida braziliyalik futbolchining tez orada ketishi mumkinligi haqida mish-mishlar tarqalmoqda. El Chiringuito xabariga ko‘ra, Alonsoning o‘zi Vinisiusga murojaat qilgan va unga to‘liq ishonishini bildirgan. Ispaniyalik 25 yoshli futbolchini jamoaning asosiy figuralaridan biri deb hisoblaydi.

Seshanba kuni Vinisius Junior La Liga doirasidagi "Levante"ga (4:1) qarshi o‘yinda gol va assistni o‘z hisobiga yozdirib qo‘ydi hamda uchrashuvning eng yaxshi futbolchisi sovrini bilan taqdirlandi.