Мадриднинг "Реал" клуби бош мураббийи Хаби Алонсо Винисиус Жуниорнинг имкониятларига шубҳа қилмаяпти.
Сўнгги ойларда клуб вингернинг ўйинидан норози экани ҳақида гап-сўзлар кўпайиб бормоқда, бунинг фонида бразилиялик футболчининг тез орада кетиши мумкинлиги ҳақида миш-мишлар тарқалмоқда. El Chiringuito хабарига кўра, Алонсонинг ўзи Винисиусга мурожаат қилган ва унга тўлиқ ишонишини билдирган. Испаниялик 25 ёшли футболчини жамоанинг асосий фигураларидан бири деб ҳисоблайди.
Сешанба куни Винисиус Жуниор Ла Лига доирасидаги "Леванте"га (4:1) қарши ўйинда гол ва ассистни ўз ҳисобига ёздириб қўйди ҳамда учрашувнинг энг яхши футболчиси соврини билан тақдирланди.
