Luka Modrich "Real" Madridning "Levante"ga (4:1) qarshi o‘yinida Vinisius Junior tomonidan kiritilgan gol haqida fikr bildirdi.

Eslatib o‘tamiz, ushbu bahs La Liganing 6-turi doirasida bo‘lib o‘tdi. Braziliyalik futbolchi 28-daqiqada oyog‘ining tashqi qismi bilan zarba yo‘llab, darvozani ishg‘ol qildi. O‘yin yakunlangach, vinger bu usulni Modrichdan o‘rganganini tan oldi.

"Qanday gol, birodar!" - deb yozdi Modrich ijtimoiy tarmoqda Vinisiusning postiga izohda.

40 yoshli xavbek ayni damda "Milan" sharafini himoya qilmoqda. Italiyaga ko‘chib o‘tgunga qadar u 13 yil davomida "Real" sharafini himoya qilgan.