Лука Модрич "Реал" Мадриднинг "Леванте"га (4:1) қарши ўйинида Винисиус Жуниор томонидан киритилган гол ҳақида фикр билдирди.
Эслатиб ўтамиз, ушбу баҳс Ла Лиганинг 6-тури доирасида бўлиб ўтди. Бразилиялик футболчи 28-дақиқада оёғининг ташқи қисми билан зарба йўллаб, дарвозани ишғол қилди. Ўйин якунлангач, вингер бу усулни Модричдан ўрганганини тан олди.
"Қандай гол, биродар!" - деб ёзди Модрич ижтимоий тармоқда Винисиуснинг постига изоҳда.
40 ёшли хавбек айни дамда "Милан" шарафини ҳимоя қилмоқда. Италияга кўчиб ўтгунга қадар у 13 йил давомида "Реал" шарафини ҳимоя қилган.
