"Milan"ning sobiq futbolchisi va murabbiyi Fabio Kapello klub murabbiyi bo‘lganida himoyaga katta e’tibor qaratgan - uning davrida jamoa deyarli gol o‘tkazib yubormagan. U klubning hozirgi murabbiyi Massimiliano Allegri ham xuddi shunday o‘yin tamoyillariga amal qilayotganidan xursand.

"Milan" kam to‘p o‘tkazadigan bo‘ldi, maydonda, birinchi navbatda, himoyada muvozanat paydo bo‘ldi. Bu juda muhim. Allegri jamoani mustahkamladi va jipslashtirdi. Unga faqat to‘purar hujumchi yetishmayapti," - deya Kapelloning so‘zlarini keltiradi Italiyaning La Gazzetta Dello Sport nashri.

Birinchi turda "Kremoneze"ga mag‘lub bo‘lganidan so‘ng, "Milan" chempionat va kubok o‘rtasidagi to‘rtta o‘yinda quruq hisobda g‘alaba qozondi.