"Милан"нинг собиқ футболчиси ва мураббийи Фабио Капелло клуб мураббийи бўлганида ҳимояга катта эътибор қаратган - унинг даврида жамоа деярли гол ўтказиб юбормаган. У клубнинг ҳозирги мураббийи Массимилиано Аллегри ҳам худди шундай ўйин тамойилларига амал қилаётганидан хурсанд.
"Милан" кам тўп ўтказадиган бўлди, майдонда, биринчи навбатда, ҳимояда мувозанат пайдо бўлди. Бу жуда муҳим. Аллегри жамоани мустаҳкамлади ва жипслаштирди. Унга фақат тўпурар ҳужумчи етишмаяпти," - дея Капеллонинг сўзларини келтиради Италиянинг La Gazzetta Dello Sport нашри.
Биринчи турда "Кремонезе"га мағлуб бўлганидан сўнг, "Милан" чемпионат ва кубок ўртасидаги тўртта ўйинда қуруқ ҳисобда ғалаба қозонди.
