Fransiya terma jamoasi va "Milan" darvozaboni Mayk Menyan Angliya Premyer-ligasiga ko‘chib o‘tish imkoniyatiga ega. talkSPORT xabariga ko‘ra, 30 yoshli darvozabonni "Manchester Yunayted" o‘z safiga qo‘shib olmoqchi.
"Qizil iblislar" ustozi Ruben Amorim jamoani tajribali darvozabon bilan kuchaytirmoqchi. Fransuz uchun kurashda "Manchester Yunayted"ga Londonning "Chelsi" klubi raqobat ko‘rsatadi. "Aristokratlar" Menyanni o‘tgan yozda o‘z safiga qo‘shib olmoqchi edi, ammo kelishuv amalga oshmadi.
Mayk "rossonerilar" bilan kelasi yilning yarmigacha shartnoma majburiyatlari bilan bog‘langan. Darvozabonning transfer narxi 25 million yevroni tashkil etadi.
