Jurnalistlar "Real" bosh murabbiyi Xabi Alonsodan "Atletiko" bilan bo‘ladigan derbi haqida so‘rashdi.
Seshanba kuni "qaymoqranglilar" "Levante" ustidan yirik hisobda g‘alaba qozondi (4:1). Keyingi turda Alonso jamoasi "matraschilar" mehmoni bo‘ladi. "Real" derbiga yo‘qotishlarsiz yaqinlashmoqda - chempionatning 6 o‘yinidan keyin 18 ochko.
"Atletiko"ga qarshi o‘yin haqida hali o‘ylamagandim, chunki bor e’tiborimni "Levante" bilan o‘yinga qaratgandim. Ertadan boshlab barcha fikrlarimiz Madrid derbisi haqida bo‘ladi," - dedi Xabi Alonso g‘alabadan so‘ng o‘tkazilgan matbuot anjumanida.
"Atletiko"ning "Real" bilan uchrashuvi 27 sentyabr, shanba kuni bo‘lib o‘tadi.
