Журналистлар "Реал" бош мураббийи Хаби Алонсодан "Атлетико" билан бўладиган дерби ҳақида сўрашди.
Сешанба куни "қаймоқранглилар" "Леванте" устидан йирик ҳисобда ғалаба қозонди (4:1). Кейинги турда Алонсо жамоаси "матрасчилар" меҳмони бўлади. "Реал" дербига йўқотишларсиз яқинлашмоқда - чемпионатнинг 6 ўйинидан кейин 18 очко.
"Атлетико"га қарши ўйин ҳақида ҳали ўйламагандим, чунки бор эътиборимни "Леванте" билан ўйинга қаратгандим. Эртадан бошлаб барча фикрларимиз Мадрид дербиси ҳақида бўлади," - деди Хаби Алонсо ғалабадан сўнг ўтказилган матбуот анжуманида.
"Атлетико"нинг "Реал" билан учрашуви 27 сентябрь, шанба куни бўлиб ўтади.
