Italiyalik taniqli sobiq murabbiy Fabio Kapello Turinning "Yuventus" klubining yangi mavsumni boshlanishini tahlil qildi.

"Ularda hujumda juda ko‘p variantlar bor, bu ularning asosiy kuchi. Menimcha, Igor Tudor jamoasi beqaror o‘ynaydigan muayyan futbolchilarning individual harakatlari chaqnashiga tayanadi. Ularga nima yetishmaydi? Fikrimcha, ularga yana bir yarim himoyachi kerak. Hozir to‘g‘ri muvozanatni topish juda muhim. Shuningdek, yangilarga moslashish va Italiya futbolini tushunish uchun vaqt berish kerak", dedi Kapello. 

Eslatib o‘tamiz, "Yuventus" Italiya chempionatida 4 tur o‘tkazib, 10 ochko bilan 2-o‘rinda bormoqda. Ular turnir jadvalida peshqadamlik qilayotgan "Napoli"dan ikki ochko ortda qolmoqda.