Италиялик таниқли собиқ мураббий Фабио Капелло Туриннинг "Ювентус" клубининг янги мавсумни бошланишини таҳлил қилди.
"Уларда ҳужумда жуда кўп вариантлар бор, бу уларнинг асосий кучи. Менимча, Игор Тудор жамоаси беқарор ўйнайдиган муайян футболчиларнинг индивидуал ҳаракатлари чақнашига таянади. Уларга нима етишмайди? Фикримча, уларга яна бир ярим ҳимоячи керак. Ҳозир тўғри мувозанатни топиш жуда муҳим. Шунингдек, янгиларга мослашиш ва Италия футболини тушуниш учун вақт бериш керак", деди Капелло.
Эслатиб ўтамиз, "Ювентус" Италия чемпионатида 4 тур ўтказиб, 10 очко билан 2-ўринда бормоқда. Улар турнир жадвалида пешқадамлик қилаётган "Наполи"дан икки очко ортда қолмоқда.
