"Bavariya" direktorlar kengashi a’zosi Karl-Xayns Rummenigge amalga oshmay qolgan transferlar borasida o‘z fikrlarini bildirib o‘tdi. Gap Florian Virs va Nik Voltamade haqida ketmoqda.
"Florian Virs bilan bo‘lgan voqea meni hali ham qiynaydi. Unga "Liverpul"dan ko‘ra "Bavariya"da bo‘lish yaxshiroq edi. Biz ham Voltamadeni qo‘lga kiritishimiz mumkin. Ammo "Bavariya" moliyaviy sarguzashtlarga aralashmaslik uchun yetarlicha aqlli", - deya Rummeniggening so‘zlarini keltiradi welt.de.
Voltamade shu yozda "Shtutgart"dan "Nyukasl"ga 85 million yevro evaziga o‘tgandi, Virs esa Transfermarkt portali ma’lumotlariga ko‘ra, "Bayer"ga 121 million yevro bergan "Liverpul" tomonidan olindi.
