Parijning “PSJ” klubi futbolchi Vitinya faoliyatini “Real Madrid”da davom ettirishi mumkin. Fichajes nashrining xabar berishicha, “qirollik klubi” portugaliyalik futbolchi orqali yarim himoya chizig‘ini kuchaytirmoqchi.

Manbaga ko‘ra, klub rahbariyati futbolchining atrofidagi vaziyatni diqqat bilan kuzatmoqda. Ammo Vitinya “PSJ”ning yetakchi futbolchi ekanligini hisobga olsak, klub uni qo‘yib yubishga shoshilmayapti. Mazkur holat “Real” uchun asosiy to‘siq bo‘lishi mumkin.

Madrid klubi qishda birinchi taklifni jo‘natish haqida o‘ylamoqda. Unga ko‘ra, ilk taklif qiymati 50 million atrofida bo‘lishi mumkin. Shuningdek, unga qo‘shimcha sifatida braziliyalik futbolchi Rodrigo ham “PSJ”ga o‘tadi.

Ma’lumot uchun, Vitinya 2022-yildan beri “PSJ” sharafini himoya qiladi. Uning klub bilan shartnomasi 2029-yilning yoziga qadar amal qiladi. Transfermarkt portali yarim himoyachining qiymatini 80 million yevroga baholamoqda.

Vitinya joriy mavsum “PSJ” tarkibida 7 ta o‘yinda maydonga tushib, o‘z hisobiga 1 gol va 3 ta golli uzatma yozdirib qo‘ygan.