"Barselona" bosh murabbiyi Xans-Diter Flik Fransiyaning France Football jurnali tomonidan o‘tkazilgan "Oltin to‘p"ni topshirish marosimida ishtirok etgani haqida gapirdi.
"To‘g‘risini aytsam, men bunday tadbirlarning muxlisi emasman, lekin bu mening ishimning bir qismi, shuning uchun bordim. Bu menga ba’zi taniqli o‘yinchilar bilan tanishish imkonini berdi. Ular jamoamizdan hayratda ekanliklarini bildirishdi va buni eshitish yoqimli," - dedi Flik jurnalistlarga.
Eslatib o‘tamiz, "PSJ" hujumchisi Usmon Dembele o‘tgan mavsum yakunlariga ko‘ra "Oltin to‘p" sohibiga aylangan edi. O‘sha mavsumda fransuz 53 ta uchrashuvda 35 ta gol urdi va 16 ta golli uzatmani o‘z hisobiga yozdirib qo‘ydi.
