"Барселона" бош мураббийи Ханс-Дитер Флик Франциянинг France Football журнали томонидан ўтказилган "Олтин тўп"ни топшириш маросимида иштирок этгани ҳақида гапирди.
"Тўғрисини айтсам, мен бундай тадбирларнинг мухлиси эмасман, лекин бу менинг ишимнинг бир қисми, шунинг учун бордим. Бу менга баъзи таниқли ўйинчилар билан танишиш имконини берди. Улар жамоамиздан ҳайратда эканликларини билдиришди ва буни эшитиш ёқимли," - деди Флик журналистларга.
Эслатиб ўтамиз, "ПСЖ" ҳужумчиси Усмон Дембеле ўтган мавсум якунларига кўра "Олтин тўп" соҳибига айланган эди. Ўша мавсумда француз 53 та учрашувда 35 та гол урди ва 16 та голли узатмани ўз ҳисобига ёздириб қўйди.
