"Bornmut"ning 25 yoshli qanot hujumchisi Antuan Semenyo "Manchester Yunayted" short-listiga kiritilgan. Bu haqda jurnalist Din Jons xabar bermoqda.
Manbaga ko‘ra, Gana terma jamoasi futbolchisiga "qizil iblislar" jiddiy qiziqish bildirmoqda. Shu bilan birga, ta’kidlanishicha, "Manchester Yunayted" Semenyoni yanvarda sotib olishni rejalashtirmayapti, ammo kelasi yozda bunga urinib ko‘rishi mumkin.
Semenyo joriy mavsumda barcha musobaqalarni qo‘shib hisoblaganda 6 ta o‘yinda maydonga tushib, 3 ta gol urdi va 2 ta assistni o‘z hisobiga yozdirib qo‘ydi.
Transfermarkt portali ma’lumotiga ko‘ra, hujumchining narxi 40 million yevroni tashkil etadi.
