"Roma" yarim himoyachisi Manu Kone jamoa bosh murabbiyi Jan Pyero Gasperini qo‘l ostida ishlash haqida fikr bildirdi. 67 yoshli mutaxassis klubni joriy yilning iyun oyida qabul qilib olgan edi.
"Gasperini uslubiga moslashish oson kechdi. Biz uning talablarini bilamiz, mashg‘ulotlarda o‘zimizni to‘liq bag‘ishlaymiz. Biz qadam-baqadam harakat qilmoqdamiz va birgalikda rivojlanishda davom etishga harakat qilamiz. Biz harakatlarimizdan juda mamnunmiz va g‘alaba qozonishda davom etmoqchimiz", - dedi Kone Canal + bilan suhbatda.
24 sentyabr kuni "Roma" Yevropa Ligasi umumiy bosqich 1-turi doirasida "Nissa" mehmoni bo‘lib, g‘alaba qozondi. Uchrashuv 2:1 hisobida yakunlandi.













