"Lion" tarkibi qishki transferlar davrida yangi futbolchi bilan to‘ldirilishi mumkin. Gap "Bornmut" forvardi Eli Junior Krupi haqida ketmoqda. Bu haqda Jeunes Footeux xabar bermoqda.

Yuqoridagi manbaga ko‘ra, "Lion" rahbariyati hujum chizig‘i yetakchisi Jorj Mikautadze yozda jamoani tark etganidan keyin hujumchi qidirmoqda. Krupi asosiy variant sifatida ko‘rib chiqilmoqda. "To‘quvchilar" 19 yoshli fransuz uchun qishda "Bornmut"ga taklif bilan chiqishi mumkin.

Krupi yozda "Loryan"dan "Bornmut"ga ko‘chib o‘tgandi. Ingliz klubi safida u bor-yo‘g‘i to‘rtta o‘yinda maydonga tushib, gol ura olmadi. Transfermarkt portali hujumchining narxini 15 mln yevroga baholamoqda.