"Liverpul" yarim himoyachisi Florian Virs nega avvalgidek yorqin o‘yin ko‘rsatmayotgani haqida gapirdi.
"Qizillar" 22 yoshli futbolchini "Bayer"dan 125 mln yevroga sotib oldi. Keng tarqalgan fikrga ko‘ra, hozirda nemis kutilgan natijani bermayapti.
"Ehtimol, men to‘p bilan [Bundesligadagidan ko‘ra] tezroq xayrlashishga harakat qilyapman. Yaqinda bu haqda murabbiy bilan gaplashdim va u bu pressing bilan bog‘liq bo‘lishi mumkinligini aytdi. Men juda ko‘p yuguraman, chunki har doim bor kuchimni 100% sarflashga harakat qilaman va shuning uchun to‘pni qabul qilayotganimda unchalik tetik emasman. Vaqt o‘tishi bilan muammo hal bo‘ladi: ko‘proq o‘yin o‘tkazaman, optimal jismoniy holatni tiklayman - bu menga aniqroq harakat qilish imkonini beradi," - dedi Virs Sky’ga bergan intervyusida.
"Liverpul"ning yulduzli yangi futbolchisi yettita bahsda bitta golli uzatmani amalga oshirdi.
