"Liverpul" markaziy himoyachisi Ibraima Konate bilan hamon 2026 yil yozida yakunlanadigan shartnomasini uzaytirish bo‘yicha kelisha olmayapti.
TBR Football xabariga ko‘ra, "qizillar" futbolchisi atrofidagi vaziyatni "Arsenal", "Chelsi" va "Manchester Siti" diqqat bilan kuzatmoqda. Ular yanvar oyida futbolchi bilan muzokaralar o‘tkazishi mumkin.
Fransiyalik 26 yoshli futbolchiga yana bir asosiy da’vogar "Real" hisoblanadi. Ular ham Konateni tekinga o‘z safiga jalb qilmoqchi.













