Londonning "Arsenal" klubi sobiq futbolchisi Billi Vigar o‘yin vaqtidagi fojiali hodisadan so‘ng vafot etdi. "Chichester Siti"da o‘ynab yurgan 21 yoshli hujumchi maydon yaqinidagi to‘siqqa urilib ketdi. Shifokorlar yigitni saqlab qolishga harakat qilishdi, ammo ularning urinishlari natija bermadi, chunki jarohat juda jiddiy edi.
Sobiq futbolchining o‘limiga "Arsenal" munosabat bildirdi.
"Arsenal"dagilarning barchasi akademiyaning sobiq tarbiyalanuvchisi Billi Vigarning o‘limi haqidagi dahshatli xabardan hayratda. Butun fikrimiz hozir uning oilasi va yaqinlari bilan. Ruhing shod bo‘lsin, Billi," - deyiladi "kanonirlar" xabarida.
"Arsenal" Premyer-liganing navbatdagi o‘yinini 28 sentyabr kuni "Nyukasl"ga qarshi o‘tkazadi.













