Лондоннинг "Арсенал" клуби собиқ футболчиси Билли Вигар ўйин вақтидаги фожиали ҳодисадан сўнг вафот этди. "Чичестер Сити"да ўйнаб юрган 21 ёшли ҳужумчи майдон яқинидаги тўсиққа урилиб кетди. Шифокорлар йигитни сақлаб қолишга ҳаракат қилишди, аммо уларнинг уринишлари натижа бермади, чунки жароҳат жуда жиддий эди.
Собиқ футболчининг ўлимига "Арсенал" муносабат билдирди.
"Арсенал"дагиларнинг барчаси академиянинг собиқ тарбияланувчиси Билли Вигарнинг ўлими ҳақидаги даҳшатли хабардан ҳайратда. Бутун фикримиз ҳозир унинг оиласи ва яқинлари билан. Руҳинг шод бўлсин, Билли," - дейилади "канонирлар" хабарида.
"Арсенал" Премьер-лиганинг навбатдаги ўйинини 28 сентябрь куни "Ньюкасл"га қарши ўтказади.
