"Chelsi" bosh murabbiyi Enso Mareska jamoadagi jarohatlar bilan bog‘liq vaziyat haqida gapirdi.

Yaqinda asosiy yarim himoyachi Koul Palmer lazaretga tushib qoldi, avvalroq Levi Kolvill, Liam Delap va boshqa futbolchilar safdan chiqqandi.

"Men shikoyat qilmayman, lekin bu haqiqat. Jarohatlar bilan bog‘liq muammolarimiz bor, yechim topishga harakat qilyapmiz. Klub qanchalik boy bo‘lmasin, transferlarga qancha pul sarflashingiz muhim emas, axir bu jarohatlardan xalos qilmaydi. Bu futboldagi barcha uchun umumiy muammo," - deya Mareskaning so‘zlarini keltiradi jurnalist Kiran Jill.

"Ko‘klar" shanba kuni Premyer-liganing 6-turida "Brayton"ga qarshi o‘z maydonida bahs olib boradi.