Argentinalik yarim himoyachi Rodrigo de Paul nima uchun "Atletiko"dan "Inter Mayami"ga o‘tishga rozi bo‘lgani ma’lum bo‘ldi.
Xorijdagi manbalarga ko‘ra, agar Lionel Messi uzoq yillar davomida "Inter Mayami"da qolmaganida, de Paul "Inter Mayami"ga o‘tmagan bo‘lardi. Ta’kidlanishicha, de Paulning shartlaridan biri Messi "Inter Mayami" bilan shartnomani yana bir necha yilga uzaytirishni kafolatlashi bo‘lgan.
Messi 2023 yilning yozidan beri Amerika klubida o‘ynamoqda. 38 yoshli futbolchining amaldagi mehnat shartnomasi dekabr oyi oxirigacha mo‘ljallangan. Argentinalik futbolchi yaqin orada klub bilan kelishuvni uzaytirishi kutilmoqda.
