"Barselona" bosh murabbiyi Xans-Diter Flik "Atletiko" va "Real" o‘rtasidagi bo‘lajak o‘yinni tomosha qilishni rejalashtiryapsizmi, degan savolga javob berdi.
"Madrid derbisi? Men uni ko‘raman deb o‘ylayman. Futbolni ko‘p tomosha qilaman. Bu ikki fantastik jamoa va men bu o‘yinni intiqlik bilan kutyapman," - dedi Flik matbuot anjumanida.
Ispaniya chempionati 7-turidan o‘rin olgan "Atletiko" - "Real" uchrashuvi bugun, 27 sentyabr kuni bo‘lib o‘tadi. Qarama-qarshilik Toshkent vaqti bilan 19:15 da boshlanishi rejalashtirilgan.
