Angliya Premyer-ligasi 6-turidan o‘rin olgan bahslarda «Chelsi», «Liverpul» va «Manchester Yunayted» bir kunda mag‘lub bo‘lishdi. Opta Sport statistika portali xabar berishicha, XXI asrda birinchi marta bunday holat qayd etildi.

Manbaning ma’lumoticha, so‘nggi bor bunday vaziyat 1994 yil 16 aprelida sodir bo‘lgan (31 yilu 164 kun avval). O‘shanda «Manchester Yunayted» safarda «Uimbldon»ga (0:1), «Chelsi» «Arsenal»ga (0:1), «Liverpul» esa o‘z maydonida «Nyukasl Yunayted»ga (0:2) yutqazgan edi.

Eslatib o‘tamiz, APLning joriy mavsum 6-turida «Chelsi» uyda «Brayton»ga (1:3), «Manchester Yunayted» safarda «Brentford»ga (1:3), «Liverpul» esa kutilmaganda «Kristal Pelas»ga (1:2) yutqazdi. Mersisaydliklar hal qiluvchi golni 90+7-daqiqada o‘tkazib yuborishdi.

Angliya — Premyer-liga. 6-tur
27 sentyabr 2025 yil, shanba.
Kristal Pelas (London) — Liverpul (Liverpul) - 2:1
Gollar: 1:0 — Sarr (9'), 1:1 — Kyeza (87'), 2:1 — Nketia (90+7')

Brentford (London) — Manchester Yunayted (Manchester) - 3:1
Gollar: 1:0 — Tyago (8'), 2:0 — Tyago (20'), 2:1 — Sheshko (26'), 3:1 — Yensen (90+5')

Chelsi (London) — Brayton end Xouv (Brayton end Xouv) - 1:3
Gollar: 1:0 — Fernandes (24'), 1:1 — Uelbek (77'), 1:2 — De Kyoyper (90+2'), 1:3 — Uelbek (90+10')
Qizil kartochka: Chaloba (53')