Англия Премьер-лигаси 6-туридан ўрин олган баҳсларда «Челси», «Ливерпуль» ва «Манчестер Юнайтед» бир кунда мағлуб бўлишди. Opta Sport статистика портали хабар беришича, XXI асрда биринчи марта бундай ҳолат қайд этилди.

Манбанинг маълумотича, сўнгги бор бундай вазият 1994 йил 16 апрелида содир бўлган (31 йилу 164 кун аввал). Ўшанда «Манчестер Юнайтед» сафарда «Уимблдон»га (0:1), «Челси» «Арсенал»га (0:1), «Ливерпуль» эса ўз майдонида «Ньюкасл Юнайтед»га (0:2) ютқазган эди.

Эслатиб ўтамиз, АПЛнинг жорий мавсум 6-турида «Челси» уйда «Брайтон»га (1:3), «Манчестер Юнайтед» сафарда «Брентфорд»га (1:3), «Ливерпуль» эса кутилмаганда «Кристал Пэлас»га (1:2) ютқазди. Мерсисайдликлар ҳал қилувчи голни 90+7-дақиқада ўтказиб юборишди.

Англия — Премьер-лига. 6-тур
27 сентябрь 2025 йил, шанба.
Кристал Пэлас (Лондон) — Ливерпуль (Ливерпуль) - 2:1
Голлар: 1:0 — Сарр (9'), 1:1 — Кьеза (87'), 2:1 — Нкетиа (90+7')

Брентфорд (Лондон) — Манчестер Юнайтед (Манчестер) - 3:1
Голлар: 1:0 — Тьяго (8'), 2:0 — Тьяго (20'), 2:1 — Шешко (26'), 3:1 — Йенсен (90+5')

Челси (Лондон) — Брайтон энд Хоув (Брайтон энд Хоув) - 1:3
Голлар: 1:0 — Фернандес (24'), 1:1 — Уэлбек (77'), 1:2 — Де Кёйпер (90+2'), 1:3 — Уэлбек (90+10')
Қизил карточка: Чалоба (53')