Madridning "Real" klubi hujumchisi Endrik yaqin kelajakdagi rejalarini belgilab oldi.
19 yoshli futbolchi "qaymoqranglilar" rejalariga kirmaydi, shuning uchun klubda braziliyalik futbolchi imkoniyat bo‘lganda ijaraga ketishini ma’qul ko‘rishmoqda. Cope xabariga ko‘ra, Endrik va uning vakillari "Real" rahbariyatining tavsiyalariga qaramay, yanvar oyida ijara variantlarini ko‘rib chiqmoqchi emas.
Mish-mishlarga ko‘ra, Endrikka "Valensiya", "Selta", "Nyukasl" va boshqa klublar qiziqish bildirgan. Yaqinda hujumchi jarohatini davoladi, biroq Xabi Alonso hozircha uni hech bir o‘yinda maydonga tushirmadi. Porlayotgan yulduzning shartnomasi 2030 yilgacha mo‘ljallangan.
