Madridning "Atletiko" klubi futbolchisi Nikolas Gonsales jamoadoshi Xulian Alvaresning dubli "Real"ni derbida mag‘lub etishga yordam bergani (5:2) haqida gapirdi.

51-daqiqada forvard penaltini aniq amalga oshirdi. Oradan yana 12 daqiqa o‘tib, 25 yoshli argentinalik jarima zarbasidan so‘ng darvozani ishg‘ol etib, tablodagi hisobni 4:2 ko‘rinishiga keltirdi.

"Alvares - aqldan ozgan, tentak. U juda xotirjam, ammo maydonga tushganda har doim o‘zgarib ketadi. Bu aql bovar qilmaydigan narsa," - deya Gonsalesning so‘zlarini keltiradi DSports.

Xulian Alvares 6 ta gol bilan La Liga to‘purarlari ro‘yxatida faqat Kilian Mbappedan (8 ta) keyin ikkinchi o‘rinda bormoqda.