Мадриднинг "Атлетико" клуби футболчиси Николас Гонсалес жамоадоши Хулиан Альвареснинг дубли "Реал"ни дербида мағлуб этишга ёрдам бергани (5:2) ҳақида гапирди.

51-дақиқада форвард пенальтини аниқ амалга оширди. Орадан яна 12 дақиқа ўтиб, 25 ёшли аргентиналик жарима зарбасидан сўнг дарвозани ишғол этиб, таблодаги ҳисобни 4:2 кўринишига келтирди.

"Альварес - ақлдан озган, тентак. У жуда хотиржам, аммо майдонга тушганда ҳар доим ўзгариб кетади. Бу ақл бовар қилмайдиган нарса," - дея Гонсалеснинг сўзларини келтиради DSports.

Хулиан Альварес 6 та гол билан Ла Лига тўпурарлари рўйхатида фақат Килиан Мбаппедан (8 та) кейин иккинчи ўринда бормоқда.