Ispaniyalik yarim himoyachi Rodri Ernandes "Manchester Siti"dan mehnat shartnomasini uzaytirish bo‘yicha taklif oldi. Bu haqda jurnalist Stiv Key ma’lum qildi.
Manbaga ko‘ra, "shaharliklar" 29 yoshli xavbekka yana bir mavsumga uzaytirish imkoniyati bilan 2029 yilgacha mo‘ljallangan yangi shartnoma taklif qilgan. Ta’kidlanishicha, agar Rodri klub bilan shartnoma imzolasa, yiliga 18 million yevro atrofida maosh oladi. Mish-mishlarga ishonadigan bo‘lsak, hozirda yarim himoyachining yillik maoshi taxminan 13 mln yevroni tashkil etadi.
Rodri 2019 yildan buyon "Manchester Siti" sharafini himoya qilib kelmoqda. Bu mavsumda u barcha musobaqalarda beshta o‘yinda maydonga tushdi va samarali harakat qilmadi.
