Испаниялик ярим ҳимоячи Родри Эрнандес "Манчестер Сити"дан меҳнат шартномасини узайтириш бўйича таклиф олди. Бу ҳақда журналист Стив Кей маълум қилди.
Манбага кўра, "шаҳарликлар" 29 ёшли хавбекка яна бир мавсумга узайтириш имконияти билан 2029 йилгача мўлжалланган янги шартнома таклиф қилган. Таъкидланишича, агар Родри клуб билан шартнома имзоласа, йилига 18 миллион евро атрофида маош олади. Миш-мишларга ишонадиган бўлсак, ҳозирда ярим ҳимоячининг йиллик маоши тахминан 13 млн еврони ташкил этади.
Родри 2019 йилдан буён "Манчестер Сити" шарафини ҳимоя қилиб келмоқда. Бу мавсумда у барча мусобақаларда бешта ўйинда майдонга тушди ва самарали ҳаракат қилмади.
