"Milan"ning 40 yoshli yarim himoyachisi Luka Modrich Italiya A Seriyasining joriy mavsumida bir qator statistik ko‘rsatkichlar bo‘yicha peshqadamlik qilmoqda.

Opta Sports ma’lumotlariga ko‘ra, Modrich chempionatda eng ko‘p aniq uzatma bergan futbolchi bo‘lib, uning hisobida 300 ta aniq pas mavjud. Bundan tashqari, u raqib maydon qismida eng ko‘p uzatma bajargan - 169 ta, hamda 10 ta to‘p olib qo‘yishni amalga oshirgan. Ta’kidlanishicha, Modrich 31 marta jamoasiga to‘p egallash imkoniyatini qaytarib bergan, shuningdek, chiziqlar orasida 46 ta muvaffaqiyatli uzatmani amalga oshirgan.

Modrich o‘tgan yozda "Milan" futbolchisiga aylangandi. Jamoa tarkibida u A Seriyada beshta o‘yinda maydonga tushib, bitta gol urdi va bitta golli uzatmani amalga oshirdi. Futbolchining "rossonerilar" bilan shartnomasi joriy mavsum oxirigacha mo‘ljallangan.