"Милан"нинг 40 ёшли ярим ҳимоячиси Лука Модрич Италия А Сериясининг жорий мавсумида бир қатор статистик кўрсаткичлар бўйича пешқадамлик қилмоқда.

Opta Sports маълумотларига кўра, Модрич чемпионатда энг кўп аниқ узатма берган футболчи бўлиб, унинг ҳисобида 300 та аниқ пас мавжуд. Бундан ташқари, у рақиб майдон қисмида энг кўп узатма бажарган - 169 та, ҳамда 10 та тўп олиб қўйишни амалга оширган. Таъкидланишича, Модрич 31 марта жамоасига тўп эгаллаш имкониятини қайтариб берган, шунингдек, чизиқлар орасида 46 та муваффақиятли узатмани амалга оширган.

Модрич ўтган ёзда "Милан" футболчисига айланганди. Жамоа таркибида у А Серияда бешта ўйинда майдонга тушиб, битта гол урди ва битта голли узатмани амалга оширди. Футболчининг "россонерилар" билан шартномаси жорий мавсум охиригача мўлжалланган.